محترمہ عشرت سلطانہ کو تلنگانہ بیسٹ ٹیچر ایوارڈ

حیدرآباد: محترمہ عشرت سلطانہ، معلمہ گورنمنٹ پرائمری اسکول رین بازار (چارمینار منڈل 1) زوجہ جناب حسن بن عبداللہ (میزائل ٹیکنالوجی ڈپارٹمنٹ، بی ڈی ایل) کو پروفیسر امرت راؤ ایجوکیشن کی جانب سے بیسٹ ٹیچر ایوارڈ سے نوازا گیا۔

یہ ایوارڈ نواب رونق یار جنگ نے ڈاکٹرامبیڈکر یونیورسٹی میں منعقدہ باوقار تقریب میں محترمہ عشرت بانو کو دیا۔

ایوارڈ ملنے پر اساتذہ برادری کے علاوہ ڈپٹی آئی او ایس جناب نرسا راجو اور اساتذہ انجمنوں کے قائدین نے محترمہ عشرت سلطانہ کو دلی مبارکباد دی اور ان کی کامیابی پر نیک تمناؤں کا اظہار کیا۔

اس ایوارڈ کے ذریعے محترمہ عشرت سلطانہ کی تعلیمی خدمات اور محنت کو سراہا گیا ہے، جو کہ طلباء کی تعلیم و تربیت میں ان کے عزم اور لگن کی عکاسی کرتا ہے۔