محترمہ شہناز سلطانہ وظیفہ حسن خدمت پر سبکدوش
محترمہ شہناز سلطانہ، گزیٹیڈ ہیڈ مسٹریس گورنمنٹ ہائی اسکول کوٹلہ عالیجاہ (بنڈلہ گوڑہ زون)، 31 اگست 2024ء کو وظیفہ حسنِ خدمت پر سبکدوش ہوگئیں۔
![محترمہ شہناز سلطانہ وظیفہ حسن خدمت پر سبکدوش](https://urdu.munsifdaily.com/wp-content/uploads/2024/08/123-4.jpg)
حیدرآباد: محترمہ شہناز سلطانہ، گزیٹیڈ ہیڈ مسٹریس گورنمنٹ ہائی اسکول کوٹلہ عالیجاہ (بنڈلہ گوڑہ زون)، 31 اگست 2024ء کو وظیفہ حسنِ خدمت پر سبکدوش ہوگئیں۔ محترمہ شہناز سلطانہ بنت جناب محمد فرید الدین حسن خان مرحوم، ایم سی انسپکٹر سروے اینڈ لینڈ ریکارڈ، اور زوجہ جناب محمد اسد الدین انصاری، ریٹائرڈ مینیجر بی ڈی ایل ہیں۔
محترمہ شہناز سلطانہ کا پہلا تقرر 24 جولائی 1992ء کو گورنمنٹ گرلز ہائی اسکول مستعد پورہ پر ہوا۔ بعد ازاں، انہوں نے گورنمنٹ اپر پرائمری اسکول زہرہ نگر میں خدمات انجام دیں۔ ترقی ملنے پر، انہوں نے گورنمنٹ ہائی اسکول طویلہ ڈونگر سنگھ پر بحیثیت گزیٹیڈ ہیڈ مسٹریس خدمات انجام دیں، اور اس کے بعد گورنمنٹ بوائز ہائی اسکول دریچہ بواہیر، کشن باغ پر بھی نمایاں خدمات سرانجام دیں۔
محترمہ شہناز سلطانہ نے اپنی ابتدائی تعلیم گورنمنٹ گرلز ہائی اسکول شاہ علی بنڈہ سے حاصل کی تھی، جہاں سے انہوں نے ایس ایس سی امتحان کامیاب کیا۔ وظیفہ حسنِ خدمت پر سبکدوشی کے موقع پر، اسکول اسٹاف، ڈپٹی ایجوکیشنل آفیسر جناب آدتیہ وردھن راج، ڈپٹی انسپکٹر آف اسکولس بنڈلہ گوڑہ جناب ایس لکشمن، جناب کے دشرتھ، اور اساتذہ انجمنوں کے قائدین نے انہیں مبارکباد پیش کی اور نیک تمناؤں کا اظہار کیا۔