لڑکیوں کا قومی دن، وزیراعلی ریونت ریڈی کی مبارکباد

حیدرآباد: تلنگانہ بھر میں آج لڑکیوں کا قومی دن منایا جا رہا ہے۔

اس موقع پر وزیراعلیٰ اے ریونت ریڈی نے عوام کو مبارکباد پیش کرتے ہوئے اس عزم کا اعادہ کیا ہے کہ ہر لڑکی کو معیاری تعلیم، تحفظ، صحت اور مساوی مواقع فراہم کرنے کے لئے ہر فرد کو مل کر کوشش کرنی چاہیے۔

اپنے ایک خصوصی پیغام میں وزیراعلیٰ نے کہا کہ لڑکیوں کی خودمختاری ہی ایک ترقی پسند اور جامع تلنگانہ کی تعمیر اور ملک کے روشن مستقبل کی کلید ہے اسی لئے حکومت کا یہ پختہ ارادہ ہے کہ ہر لڑکی کو ایسے مواقع فراہم کئے جائیں جہاں وہ مکمل خود اعتمادی کے ساتھ آگے بڑھ کر قیادت کر سکے۔