ڈاکٹروں کی ملک گیر بھوک ہڑتال

نئی دہلی (آئی اے این ایس) انڈین میڈیکل اسوسی ایشن (آئی ایم اے) نے 15اکتوبر کو 24گھنٹوں کی ملک گیر بھوک ہڑتال کا اعلان کیا ہے۔

اس نے مغربی بنگال کے ڈاکٹروں کی تائید میں یہ اعلان کیا ہے، جو کولکتہ کے آر جی کار میڈیکل کالج ہاسپٹل میں ایک نوجوان لیڈی ڈاکٹر کی عصمت ریزی اور قتل کے خلاف احتجاج کررہے ہیں۔

یہ اعلان ایسے وقت ہوا جب ہاسپٹل کے جونیر ڈاکٹروں کا مرن برت9ویں دن میں داخل ہوگیا۔ 3 ڈاکٹروں کو دواخانہ میں شریک کروایا جاچکا ہے۔

آئی ایم اے نے ایک بیان میں کہا کہ ملک گیر بھوک ہڑتال کی قیادت آئی ایم اے جونیر ڈاکٹرس نٹ ورک اور میڈیکل اسٹوڈنٹس نٹ ورک کریں گے۔