تلنگانہ کے 190 مراکز پر نیٹ امتحان

حیدرآباد: ایم بی بی ایس کورسس میں داخلے کے لئے ملک گیر سطح پر نیٹ۔یوجی 2025 امتحان اتوار کوہوا۔ اس امتحان کا انعقاد نیشنل ٹسٹنگ ایجنسی کی جانب سے کیا جا رہا ہے۔

گزشتہ سال نیٹ کے سوالیہ پرچے لیک ہونے کے الزامات کے پیش نظر، اس مرتبہ امتحان کو شفاف اور سخت نگرانی میں منعقد کرنے کے لئے خصوصی انتظامات کئے گئے ہیں۔

تلنگانہ ریاست میں نیٹ امتحان 24 شہروں کے 190 مراکز میں ہوا، جن میں صرف حیدرآباد ضلع میں 62 امتحانی مراکز قائم کئے گئے ہیں۔

ریاست بھر سے 72,507 طلبہ نے اس قومی سطح کے میڈیکل داخلہ امتحان میں شرکت کی۔امتحان کے پُرامن انعقاد کے لئے حکام کی جانب سے سخت حفاظتی اقدامات کئے گئے ہیں۔