ٹویٹر ہیڈ کوارٹر پر نیا ایکس لوگو نظر آیا

سان فرانسسکو: امریکہ کے سین فرانسسکو میں ٹوئیٹر کے ہیڈکوارٹر کی چھت پر سوشل میڈیا پلیٹ فارم کے جاری برانڈ لوگوکی تبدیلی کے پروگرام کے حصے کے طور پر ایک بڑا ’ایکس ‘ لوگو نظر آیا ہے۔ یہ لوگو امریکی ارب پتی کاروباری شخصیت ایلون مسک کی پوسٹ کردہ ایک ویڈیو میں دکھایا گیا ہے۔

نیویارک ٹائمز نے اطلاع دی ہے کہ شہر کے حکام نے شکایت درج کرائی ہے اور اس نشان کی جانچ شروع کی ہے ۔ شکایت میں کہا گیا ہے کہ اس طرح کے کام کو سیکورٹی وجوہات کی بنا پر پیشگی اجازت کی ضرورت ہوتی ہے۔

ٹوئٹر نے پیر کو اپنا لوگو بلیو برڈ سے بدل کر بلیک اینڈ وائٹ ایکس لوگو میں تبدیل کر دیا۔ مسٹر مسک نے وضاحت کی کہ نیا لوگو "ہم سب کی ان خامیوں کی علامت ہے جو ہمیں منفرد بناتی ہے”۔