راجندر نگر میں سڑک حادثہ، ایک شخص ہلاک

حیدرآباد: شہرحیدرآباد کے راجندرنگر علاقہ میں پیش آئے سڑک حادثہ میں ایک شخص ہلاک ہوگیا۔یہ حادثہ آج صبح کی اولین ساعتوں میں آرام گھر چوراہے کے قریب اُس وقت پیش آیاجب تیز رفتار کار کے ڈرائیور نے اس کا توازن کھودیا اور یہ کاربجلی کے پول کے ساتھ ساتھ ایک بائیک سے ٹکراگئی۔

حادثہ اتنا شدیدتھاکہ بائیک پر سوار شخص موقع پر ہی ہلاک ہوگیا۔حادثہ کے ساتھ ہی کار میں سوار شخص فرارہوگیا۔پولیس نے شبہ ظاہر کیاکہ کار چلانے والا شخص حالت نشہ میں تھا۔پولیس کو کار سے شراب کی بوتلیں دستیاب ہوئیں۔