گیس ختم ہو رہی ہے؟ اگر آپ فون پر اپنا سلنڈر بک نہیں کر سکتے تو یہ طریقے آپ کو منٹوں میں بک کرنے میں مدد کریں گے

نئی دہلی: مشرق وسطیٰ میں بڑھتی ہوئی کشیدگی کے باعث ملک میں گیس کی ممکنہ قلت کا خدشہ پیدا ہوگیا ہے، جس کے بعد کئی لوگ احتیاطاً ایل پی جی سلنڈر کی بُکنگ کروانے لگے ہیں۔ عام طور پر گیس سلنڈر کی بُکنگ فون کال کے ذریعے آسانی سے ہوجاتی ہے، لیکن حالیہ دنوں میں صارفین کو اس طریقہ میں کافی مشکلات کا سامنا کرنا پڑ رہا ہے۔ اسی وجہ سے کئی مقامات پر گیس ایجنسیوں کے باہر لمبی قطاریں بھی دیکھنے میں آرہی ہیں۔

اگر آپ کا گیس سلنڈر ختم ہونے والا ہے اور فون کال کے ذریعے بُکنگ نہیں ہو پارہی، تو پریشان ہونے کی ضرورت نہیں۔ چند متبادل طریقوں کے ذریعے آپ چند منٹوں میں گیس سلنڈر بُک کرسکتے ہیں۔ ذیل میں ایسے چار آسان طریقے بتائے جا رہے ہیں:

1۔ واٹس ایپ کے ذریعے بُکنگ
اگر فون کال کے ذریعے بُکنگ ممکن نہ ہو تو واٹس ایپ کے ذریعے بھی گیس سلنڈر بُک کیا جا سکتا ہے۔

Indane کے صارفین اپنے رجسٹرڈ موبائل نمبر سے 7588888824 پر واٹس ایپ میں REFILL لکھ کر پیغام بھیجیں۔

HP Gas کے صارفین 9222201122 پر Hi یا Book لکھ کر واٹس ایپ میسج بھیج سکتے ہیں۔

Bharat Gas کے صارفین 1800224344 پر Hi یا Book لکھ کر واٹس ایپ پیغام بھیج سکتے ہیں۔

2۔ ایس ایم ایس کے ذریعے بُکنگ
صارفین ایس ایم ایس کے ذریعے بھی سلنڈر بُک کرسکتے ہیں۔

Indane کے صارفین اپنے رجسٹرڈ نمبر سے 7718955555 پر REFILL لکھ کر ایس ایم ایس بھیجیں۔

Bharat Gas کے صارفین 7715012345 یا 7718012345 پر LPG لکھ کر ایس ایم ایس کرسکتے ہیں۔

3۔ مسڈ کال کے ذریعے بُکنگ
اگر کال کے ذریعے بُکنگ نہیں ہو رہی تو مسڈ کال کے ذریعے بھی سلنڈر بُک کیا جا سکتا ہے۔

Indane کے صارفین 8454955555 پر مسڈ کال دے کر بُکنگ کرسکتے ہیں۔

HP Gas کے صارفین 9493602222 پر مسڈ کال دے کر گیس سلنڈر بُک کر سکتے ہیں۔

4۔ موبائل ایپ کے ذریعے بُکنگ
صارفین مختلف موبائل ایپس کے ذریعے بھی بآسانی گیس سلنڈر بُک کرسکتے ہیں۔ اس کے لئے UMANG ایپ کے علاوہ Paytm، PhonePe اور Amazon Pay جیسی پیمنٹ ایپس استعمال کی جا سکتی ہیں، جن کے ذریعے چند منٹوں میں بُکنگ مکمل ہو جاتی ہے۔

ان آسان طریقوں کی مدد سے صارفین بغیر کسی پریشانی کے گھر بیٹھے گیس سلنڈر بُک کرسکتے ہیں اور گیس ایجنسیوں کے باہر لگنے والی قطاروں سے بھی بچ سکتے ہیں۔