تلنگانہ: شادنگرٹاون میں پرائیویٹ کمپنی کی عمارت میں اچانک آگ۔ 14افرادجھلس گئے

حیدرآباد: تلنگانہ کے ضلع رنگاریڈی کے شادنگرٹاون کے نواحی علاقہ میں ایک رنگ تیار کرنے والی پرائیویٹ کمپنی کا ری ایکٹرپھٹ پڑا جس کے نتیجہ میں کمپنی کی عمارت میں اچانک بڑے پیمانہ پر آگ لگ گئی اور 14 افرادجھلس گئے۔

یہ واقعہ،بُرگلاعلاقہ میں کل شب پیش آیا۔

آگ تیزی کے ساتھ پھیلتی چلی گئی۔ذرائع کے مطابق اس کمپنی کے کمیکل ری ایکٹر کے قریب بہار اور یوپی کے مزدورکام کررہے تھے کہ یہ ری ایکٹر پھٹ پڑا۔

اس واقعہ میں جھلس جانے والے افراد کو علاج کے لئے فوری طور پر شادنگر کمیونٹی اسپتال لے جایاگیا تاہم بعض شدید طورپر جھلس جانے والے افراد کو بہتر علاج کے لئے گاندھی اسپتال اور عثمانیہ اسپتال منتقل کیاگیا۔

مقامی افراد اور قانون نافذ کرنے والی ایجنسیوں نے راحت کاموں کا آغاز کیا۔