اے پی کے تروملا میں آپریشن تیندوا جاری

حیدرآباد: تروملا میں درشن کیلئے آنے والے افراد کو تیندوے کے امکانی حملوں سے بچانے کیلئے تیندوے کی تلاش کاکام کیاجارہا ہے۔

تروملا میں مندر کے قریب گھنے جنگل کی وجہ سے اکثر جنگلی جانور اور تیندوے یہاں پر آتے ہیں۔

حال ہی میں ایک تیندوے کے حملہ میں کم عمر لڑکی ہلاک ہوگئی تھی جس کے بعد سے محکمہ جنگلات کے عہدیداروں نے چوکسی کامظاہرہ کرتے ہوئے آپریشن تیندوا شروع کیا۔

اس آپریشن کے تحت اب تک دو تیندوے پکڑے گئے ہیں۔یہ آپریشن ہنوز جاری ہے۔محکمہ جنگلات کے عہدیداروں نے جنگل میں ٹریپ کیمرے لگائے ہیں۔

ان میں تیندوا نظرآیا تاہم اچانک یہ تیندوا وہاں سے غائب ہوگیا۔وہاں پر لگائے گئے پنجرہ میں جاتے جاتے ایک تیندوا اس سے واپس نکل گیا۔عہدیداروں نے اس جنگلی جانور کو پکڑنے کیلئے نئی حکمت عملی تیار کی ہے۔