اپوزیشن کی یاترا اقتدار کی جدوجہد:صدرنشین کونسل تلنگانہ

حیدرآباد: تلنگانہ قانون ساز کونسل کے صدرنشین جی سکھیندر ریڈی نے اپوزیشن لیڈروں کو نشانہ بناتے ہوئے کہا کہ اپوزیشن لیڈروں کی یاتر ا عوام کے لئے نہیں بلکہ اقتدار کی جدوجہد کے لئے ہیں۔

انہوں نے ضلع نلگنڈہ میں اپنی رہائش گاہ پر میڈیا سے بات کرتے ہوئے کہا کہ کانگریس پارٹی کے دور حکومت میں کئی نہریں کھود کر چھوڑی گئی تھیں جبکہ بی آر ایس حکومت نے اس میں پانی لایا۔

انہوں نے کہا کہ بی آر ایس کے 9سالہ دور حکومت میں ضلع میں جو ترقی ہوئی ہے وہ ترقی کا ثبوت ہے۔

انہوں نے کہا کہ یہ معلوم نہیں ہے کہ کانگریس پارٹی میں وزیراعلیٰ کاامیدوار کون ہیں۔