پاکستانی ٹیم کا اعلان، نوجوانوں اور تجربے کا امتزاج،بابر اور شاہین پر اعتماد برقرار

لاہور: پاکستان کرکٹ بورڈ نے سری لنکا میں شیڈول ٹی ٹوئنٹی ورلڈ کپ 2026 کے لیے اپنی 15 رکنی حتمی ٹیم کا اعلان کر دیا ہے۔ اس بار قیادت کی ذمہ داری سلمان علی آغا کے سپرد کی گئی ہے۔

لاہور میں پریس کانفرنس کرتے ہوئے ہیڈ کوچ مائیک ہیسن، ڈائریکٹر ہائی پرفارمنس سینٹر عاقب جاوید اور کپتان نے ٹیم کے انتخاب کی وجوہات اور حکمت عملی پر روشنی ڈالی۔پاکستان کا 15 رکنی ورلڈ کپ اسکواڈمنتخب کردہ ٹیم میں تجربہ کار کھلاڑیوں اور ابھرتے ہوئے نئے ٹیلنٹ کا امتزاج رکھا گیا ہے۔

کپتان سلمان علی آغا نے واضح کیا کہ اگرچہ بابر کا حالیہ ‘بگ بیش’ اچھا نہیں رہا، لیکن ان کا ماضی کا ریکارڈ اور تجربہ ورلڈ کپ میں ٹیم کے لیے کلیدی اہمیت رکھتا ہے۔ ہیڈ کوچ مائیک ہیسن نے بتایا کہ عثمان خان نمبر 6 پر بیٹنگ کے ساتھ ساتھ اہم وکٹ کیپر ہوں گے، جبکہ خواجہ نافع کو متبادل آپشن کے طور پر رکھا گیا ہے۔

صاحبزادہ فرحان کو بطور بیٹر بوجھ سے آزاد رکھا گیا ہے۔عاقب جاوید کا کہنا تھا کہ اسکواڈ سری لنکا کی کنڈیشنز کو مدنظر رکھتے ہوئے بنایا گیا ہے، جہاں اسپن اور سلو بولنگ اہم کردار ادا کرے گی۔

ٹیم انتظامیہ نے اشارہ دیا کہ بہترین کمبینیشن کی ضرورت کے تحت حارث رؤف کے بجائے دیگر آپشنز کو ترجیح دی گئی ہے۔ورلڈ کپ کا شیڈول ٹی ٹوئنٹی ورلڈ کپ کا میلہ 7 فروری سے 8 مارچ تک سجے گا۔ پاکستان اپنی مہم کا آغاز 7 فروری کو نیدرلینڈز کے خلاف میچ سے کرے گا۔نمبر,کھلاڑی,پوزیشن

1,سلمان علی آغا,کپتان / آل راؤنڈر
2,بابر اعظم,بیٹر
3,فخر زمان,بیٹر
4,شاہین شاہ آفریدی,فاسٹ بولر
5,نسیم شاہ,فاسٹ بولر
6,شاداب خان,آل راؤنڈر
7,صائم ایوب,اوپنر
8,عثمان خان,وکٹ کیپر / بیٹر
9,ابرار احمد,اسپنر
10,محمد نواز,آل راؤنڈر
11,فہیم اشرف,آل راؤنڈر
12,خواجہ محمد نافع,متبادل وکٹ کیپر / بیٹر
13,صاحبزادہ فرحان,بیٹر
14,محمد سلمان مرزا,فاسٹ بولر
15,عثمان طارق,بولر