پیپر لیک معاملہ، ملزمین کے پاس سے پین ڈرائیو ضبط

حیدرآباد: تلنگانہ پبلک سرویس کمیشن کے پرچہ کے لیک ہونے کے معاملہ میں خصوصی جانچ ٹیم(ایس آئی ٹی) کی جانب سے جانچ 5ویں دن بھی جاری ہے۔جانچ ٹیم ملزمین سے 5ویں روز بھی پوچھ گچھ کررہی ہے۔

ایس آئی ٹی نے ملزمین پراوین اور راج شیکھر کے مکانات سے شواہد اکٹھے کئے اور پین ڈرائیوز ضبط کئے۔ عہدیداروں کو شبہ ہے کہ پراوین اور راج شیکھر کافی عرصہ سے پیپر لیک کر رہے ہیں۔

 ان کی پین ڈرائیو سے بعض اہم معلومات حاصل ہونے کی اطلاع ملی ہے۔ حکام نے بتایا کہ پین ڈرائیوز کو پاس ورڈ دیے گئے تھے۔اس معاملہ میں ایس آئی ٹی کی جانب سے پیشرفت جاری ہے۔