والدین بچوں کو سیل فون کے  سے دور رکھیں محمد علی شبیر

حیدرآباد : تلنگانہ حکومت کے مشیر محمد علی شبیر نے بچوں میں موبائل فون کے بڑھتے ہوئے رجحان پر تشویش کا اظہار کرتے ہوئے کہا ہے کہ موبائل کا بیجا استعمال بچوں کو ذہنی اور جسمانی طور پر کمزور بنا رہا ہے۔

 کاماریڈی ضلع کے مرکز میں واقع ایک اسکول کے ایف ایم ریڈیو اسٹیشن پر خطاب کرتے ہوئے انہوں نے والدین کو مشورہ دیا کہ وہ اپنے بچوں کو سیل فون  سے دور رکھیں اور انہیں اس کی لت لگنے سے بچائیں۔

 انہوں نے زور دیا کہ بچوں کو نشہ آور اشیاء سے دور رکھنے کے لئے کھیلوں کی طرف راغب کرنا ضروری ہے کیونکہ اس سے نہ صرف بچے جسمانی طور پر صحت مند ہوں گے بلکہ ایک مضبوط سماج کی تعمیر بھی ممکن ہو سکے گی۔

اس تقریب کے بعد انہوں نے 2.0 پینے کے پانی کی اسکیم کے تحت ایس آر گارڈن کے قریب 5 لاکھ روپے کی لاگت سے تعمیر ہونے والے واٹر ٹینک کے کاموں کا بھی معائنہ کیا۔