پیرس اولپمکس:بلراج روئنگ ایونٹ کے مردوں کے سنگل اسکلز کے کوارٹر فائنل میں

پیرس: ہندوستانی راؤر بلراج پنوار نے تاریخ رقم کرتے ہوئے پیرس اولمپکس 2024 روئنگ ایونٹ کے مردوں کے سنگل اسکلز ریپیچج راؤنڈ میں شاندار کارکردگی کا مظاہرہ کرتے ہوئے اتوار کو مقابلے کے کوارٹر فائنل میں رسائی حاصل کی۔

آج یہاں واریس-سر-مارنے ناٹیکل اسٹیڈیم میں منعقدہ مقابلے میں بلراج نے 2000 میٹر کا فاصلہ 7:12.41 کے وقت کے ساتھ طے کیا اور اس راؤنڈ میں دوسرے نمبر پر رہے ہندوستانی راؤرز نے 1000 میٹر کا فاصلہ طے کرنے میں 3:33.94 کا وقت لیا۔ اس میں بھی وہ دوسرے نمبر پر رہے۔ اس سے قبل انہوں نے 500 میٹر کا فاصلہ 1:44.13 وقت میں طے کیا تھا۔

25 سالہ آرمی جوان بلراج ریپیچیج 2 میں موناکو کے کوئنٹن اینٹوگنیلی کے پیچھے 7:12.41 کے وقت کے ساتھ دوسرے نمبر پر رہے۔ تین ریپیچج راؤنڈز میں سے ہر ایک کے دو ٹاپ راؤرز کوارٹر فائنل کے لیے کوالیفائی کرتے ہیں۔ ہر ریس میں کل پانچ راؤرز نے حصہ لیا۔ مینز سنگلز اسکلز ایونٹ کا کوارٹر فائنل میچ 30 جولائی بروز منگل کو کھیلا جائے گا۔