ایئر انڈیا کے طیارہ میں تکنیکی خرابی، شمس آباد ایرپورٹ پر مسافرین کا احتجاج

حیدرآباد: ایئر انڈیا کے طیارہ میں تکنیکی خرابی پیدا ہونے کے بعدشہرحیدرآباد کے شمس آباد ایرپورٹ پرمسافرین نے احتجاج کیا۔یہ واقعہ بدھ کو پیش آیاتاہم اس کا تاخیر سے علم ہوا۔

ذرائع کے مطابق، ایئر انڈیا کا طیارہ بدھ کو شمس آباد ایرپورٹ سے گوا جانے والا تھا تاہم اس کے پرواز سے پہلے ہی اس میں تکنیکی خرابی پیدا ہوگئی جس پر اس کے پائلٹس نے ٹیک آف سے پہلے ہی اس کو ایرپورٹ پرروک دیاجس کے نتیجہ میں مسافروں کو ایئرپورٹ پر دو گھنٹے انتظار کرنا پڑا۔

اس واقعہ پر مسافرین نے ایئرپورٹ پر ہنگامہ آرائی کی اورکہاکہ ان کو اس تاخیر کی وجہ نہیں بتائی جارہی ہے۔طیارہ کی تکنیکی خرابی دورکرنے میں ناکامی پر مسافرین کو تقریبا دوگھنٹے بعد دوسرے طیارہ کے ذریعہ ان کی منزل کی طرف بھیج دیاگیا۔