عوام نے بی آرایس امیدوار لنگیا کو انتخابی تشہیر سے واپس جانے پر مجبور کردیا

حیدرآباد: انتخابی مہم کی تشہیر کے دوران نکریکل کے بی آرایس امیدوارسی لنگیا کو تلخ تجربہ کاسامنا کرناپڑا۔

ضلع نلگنڈہ کے چٹیال منڈل کے نیرڈ دیہات میں انتخابی تشہیر کیلئے پہنچے لنگیا کو مقامی افراد اور کانگریس کے کارکنوں نے روک دیا۔

انہوں نے ایس سی کالونی کی ترقی کے لئے اقدامات نہ کرنے پر برہمی کااظہار کرتے ہوئے ان سے سوالات کئے۔

مقامی عوام کی برہمی کو دیکھ کر لنگیا وہاں سے روانہ ہوگئے۔مقامی افراد نے ان کے خلاف نعرے بازی بھی کی اور مطالبہ کیا کہ وہ واپس جائیں۔یہ واقعہ کل شب پیش آیا۔