مہاراشٹر میں سیاسی سرگرمیاں تیز ، مختلف جماعتوں کے لیڈروں کی کانگریس میں شمولیت
مہنگائی اور بیروزگاری میں بے پناہ اضافہ ہوا ہے اور کسان اور مزدور شدید مشکلات کا شکار ہیں۔ کسانوں کی خودکشی میں اضافہ ہوا ہے۔ مہنگائی نے جینا مشکل کر دیا ہے لیکن ریاست میں مخلوط حکومت عوام کی پریشانیوں پر توجہ نہیں دے رہی ہے۔
ممبئی :مہاراشٹر میں اسمبلی انتخابات کے پیش نظر سیاسی سرگرمیاں تیز ہو گئی ہیں اور مختلف پارٹیوں سے تعلق رکھنے والے لیڈران اپنے حمایتوں کے ساتھ پارٹیاں بدل رہے ہیں ۔ مہاراشٹر میں بھارتیہ جنتا پارٹی (بی جے پی) سمیت مختلف سیاسی جماعتوں کے رہنما کانگریس میں شامل ہو گئے ہیں، اور کانگریس کے رہنماؤں نے کہا کہ جلد ہی مزید رہنماؤں کی پارٹی میں شمولیت کی امید ہے۔
کانگریس پارٹی کے ریاستی انچارج رمیش چنی تھلا اور ریاستی صدر نانا پٹولے کی موجودگی میں کانگریس پارٹی کے ریاستی انچارج رمیش چنیتھلا اور ریاستی صدر نانا پٹولے کی موجودگی میں بھارتیہ جنتا پارٹی کے سابق ایم ایل اے اور ضلع بلڈھانہ کے سابق صدر دھرپداراؤ ساولے، ایم این ایس کے ریاستی نائب صدر وٹھل لوکھنڈکر، ناندیڑ ضلع کے مکھیڈ دیگلور حلقہ سے بی جے پی کے سابق ایم ایل اے اویناش گھٹے، ریاستی کنزیومر ایڈوائزری کمیٹی کے سابق چیئرمین این سی پی کے کمال فاروقی، ترجمان عمر فاروقی ،اکولہ ضلع کے ونچت بہوجن اگھاڑہ لیڈر ڈاکٹر رحمن خان ، بالاپور کے سابق میئر جمموستھ اپنے سینکڑوں کارکنوں کے ساتھ کل رات تلک بھون میں منعقدہ ایک تقریب میں کانگریس پارٹی میں شمولیت اختیار کی۔
ایم پی سی سی کے سرکاری پریس بیان کے مطابق، پٹولے نے کانگریس خاندان میں سبھی کا خیرمقدم کیا اور ان کے لیے نیک خواہشات کا اظہار کیا۔ اس موقع پر انہوں نے کہا کہ ریاست میں بی جے پی شندے حکومت کی بدعنوان حکمرانی سے لوگ تنگ آچکے ہیں۔
مہنگائی اور بیروزگاری میں بے پناہ اضافہ ہوا ہے اور کسان اور مزدور شدید مشکلات کا شکار ہیں۔ کسانوں کی خودکشی میں اضافہ ہوا ہے۔ مہنگائی نے جینا مشکل کر دیا ہے لیکن ریاست میں مخلوط حکومت عوام کی پریشانیوں پر توجہ نہیں دے رہی ہے۔
کانگریس پارٹی کا نظریہ ہی ملک کو بچاتا ہے، اور ملک کو متحد کرنے میں راہول گاندھی کا رول سب سے اہم ہے۔ لوک سبھا انتخابات کی طرح پٹولے نے اپیل کی کہ کانگریس کے نظریہ کو نچلی سطح تک پہنچنا چاہئے، اس یقین کا اظہار کرتے ہوئے کہ کانگریس پارٹی ریاست میں سب سے بڑی پارٹی کے طور پر اسمبلی انتخابات میں بھی کامیابی حاصل کرے گی۔
اس موقع پر آل انڈیا کانگریس کمیٹی کے جنرل سکریٹری مکل واسنک، مقننہ پارٹی کے لیڈر بالاصاحب تھورات، سابق وزیر اعلیٰ سشیل کمار شندے، اپوزیشن لیڈر وجے ودیٹیوار، کانگریس ورکنگ کمیٹی کے رکن اور ریاستی ورکنگ صدر نسیم خان کے علاوہ دیگر افراد بھی موجود تھے۔
