جیتنے کی صلاحیت رکھنے والے افراد کو ہی ٹکٹ دیاجائے گا:چندرابابو

حیدرآباد: آندھراپردیش کی اصل اپوزیشن تلگودیشم پارٹی کے سربراہ این چندرابابو نے کہا ہے کہ ریاست کے عوام کو تلگودیشم پارٹی کی شدید ضرورت ہے۔ انہوں نے گنٹور ضلع میں تلگودیشم پارٹی اورجناسینا پارٹی کے لیڈروں سے خطاب کرتے ہوئے کہا کہ وہ جیتنے کی صلاحیت رکھنے والے افراد کو ہی ٹکٹ دیں گے۔

 اگر اندرونی سروے میں لیڈروں کی کارکردگی اچھی نہیں رہی تو نظر انداز کرنے والی کوئی بات نہیں، وہ پارٹی کے مفادات کو خطرے میں نہیں ڈالیں گے۔چندرابابو نے جنا سینا پارٹی کے کارکنو ں کو مشورہ دیا کہ تلگو دیشم جناسینا لیڈروں کو ہر پروگرام میں مشترکہ طورپر ایک ساتھ اسٹیج پر ہونا چاہئے۔

 انہوں نے گاؤں کی سطح پر بھی عوامی مسائل پر مل کر جدوجہد کی ہدایت کی۔ چندرا بابو نے کہا کہ جناسینا کے لیڈروں کو تلگو دیشم جناسینا کے زیر اہتمام پروگراموں میں تال میل پیدا کرنا چاہئے۔