تلنگانہ سرکل کے انڈیا پوسٹ کی پوسٹل پنشن عدالت

حیدرآباد: تلنگانہ سرکل کے انڈیا پوسٹ کی جانب سے سال 2026 کی پہلی پوسٹل پنشن عدالت 21 اپریل کو 11بجے دن میدھا کانفرنس ہال، چیف پوسٹ ماسٹر جنرل کے دفتر، ڈاک سدن، عابڈز، حیدرآباد میں منعقد کی جائے گی۔

پنشنرس اور فیملی پنشنرس اپنی پنشن، گریجویٹی اور اس سے متعلقہ دیگر شکایات 31 مارچ تک بذریعہ ڈاک یا ای میل [email protected] جمع کرا سکتے ہیں۔

ڈاک کے ذریعہ بھیجے جانے والے خطوط اور لفافوں پر واضح طور پر”پوسٹل پنشن عدالت لکھا ہونا ضروری ہے۔

درخواست گزاروں کو چاہیے کہ وہ اپنی شکایت کے ساتھ ریجنل یا ڈویژنل سطح پر کی گئی کارروائی اور وہاں سے ملنے والے جواب کی کاپی بھی منسلک کریں۔

حکام نے واضح کیا ہے کہ جو معاملات مختلف عدالتوں میں زیرسماعت ہیں، ان پر اس عدالت میں اس وقت تک غور نہیں کیا جائے گا جب تک کہ عدالتیں ان کا فیصلہ نہ کر دیں۔ درخواست گزارمقررہ تاریخ اور وقت پر ذاتی طور پر ڈاک سدن، عابڈز میں ہونے والی اس عدالت میں شرکت کر سکتے ہیں۔