تلنگانہ میں مردم شماری کے ساتھ ذاتوں کی مردم شماری کرنے کی بھی تیاریاں

حیدرآباد: تلنگانہ میں مردم شماری کے ساتھ ساتھ ذاتوں کی مردم شماری کرنے کی بھی تیاریاں کی جا رہی ہیں۔

ریاستِ تلنگانہ کے قیام کے بعد پہلی بار مردم شماری کی جا رہی ہے جب کہ ملک کی آزادی کے بعد یہ آٹھویں مرتبہ اور مجموعی طور پر سولہویں مرتبہ مردم شماری کا عمل ہوگا۔

آزادی کے بعد یہ پہلا موقع ہے کہ مردم شماری کے ساتھ ہی ذاتوں کی گنتی بھی کی جائے گی۔ ریاست میں اس مقصد کے لیے علاقائی نقشہ بندی (ایریا میپنگ) کا کام مکمل ہو چکا ہے اور 75 ہزار بلاکس کی نشاندہی کی گئی ہے۔

ہر ایک شار کنندہ کو 175 سے 200 گھروں کی مردم شماری کرنے کی ذمہ داری دی جائے گی۔یہ منصوبہ دو مراحل پر مشتمل ہوگا: اپریل 2026 سے ستمبر 2026 تک ہاؤس ہولڈ میپنگ اور فروری 2027 کی 9 تاریخ سے 28 تاریخ تک خاندانی سروے کیا جائے گا۔ مردم شماری کی شروعات کے وقت سے اب تک یہی تواریخ پر مردم شماری کی رہی ہیں۔