وزیراعظم منی پور کی صورتحال پرپارلیمنٹ میں بیان دیں: فاروق عبداللہ

سری نگر: صدرنیشنل کانگریس فاروق عبداللہ نے اتوار کے دن کہا کہ وزیراعظم نریندرمودی کو منی پور کی صورتحال پر پارلیمنٹ میں بیان دیناچاہئیے۔ اپوزیشن کو بھی اس معاملہ پر اظہاررائے کرنے دیاجائے۔

فاروق عبداللہ نے سری نگر میں میڈیا سے کہا کہ ساری دنیا منی پور کے بارے میں بات کررہی ہے۔ وزیراعظم نے اس مسئلہ پر سخت الفاظ کا استعمال کیا ہے لیکن انہیں یہ بات پارلیمنٹ میں کہنی چاہئیے۔ پارلیمنٹ میں بیان دینے کے بعد وزیراعظم کو اپوزیشن کی بات بھی سننی چاہئیے۔

 ہم امید کرتے ہیں کہ ہمیں پارلیمنٹ میں بولنے دیاجائے گا۔ ہمارا مقصد تنقیدکرنا نہیں ہے بلکہ صورتحال کے تعلق سے اپنے جذبات واحساسات کا اظہارکرنا ہے۔

 نیشنل کانفرنس قائد نے کہ کہ بعض لوگ اقتدار کیلئے نفرت پھیلارہے ہیں۔ خدا ایک ہے اور سب کا ہے۔ آپ اسے جس شکل میں دیکھناچاہیں یہ آپ پرمنحصر ہے۔ اس کے باوجود ہم لوگ بٹے ہوئے ہیں‘ یہ قابل افسوس ہے۔