ممتاز صنعت کار گوتم اڈانی کی چیف منسٹر ریونت ریڈی سے ملاقات

حیدرآباد (منصف نیوز بیورو) اڈانی گروپ کے صدرنشین گوتم اڈانی نے آج تلنگانہ سکریٹریٹ پہنچ کر چیف منسٹر اے ریونت ریڈی سے خیرسگالی ملاقات کی۔

اس دوران کئی امور پر خاص کر اڈانی گروپ کی جانب سے ریاست میں سرمایہ کاری کے موضوع پر تبادلہ خیال کیاگیا۔

اس موقع پر گوتم اڈانی نے ریاست میں قائم کی جارہی ینگ انڈیا اسکل یونیورسٹی کے لئے ایک سوکروڑ روپئے عطیہ دینے کا اعلان کرتے ہوئے چیف منسٹر ریونت ریڈی کو چیک حوالے کیا۔چیف منسٹرریونت ریڈی نے اپنے ایک ویڈیوپیام میں یہ بات بتائی۔

واضح رہے حکومت تلنگانہ نے ریاست کے نوجوانوں کو ہنرمندی کی تربیت کیلئے ریاست میں ’ینگ انڈیا“ اسکل یونیورسٹی قائم کی ہے۔