عوامی حکمرانی پروگرام، عوام کو الجھن کاسامنا:کشن ریڈی

حیدرآباد: مرکزی وزیر و تلنگانہ بی جے پی کے صدر جی کشن ریڈی نے درخواستوں کے نام پر وقت گزارنے کا ریاستی حکومت پر الزام لگایا۔

انہوں نے میڈیا سے بات کرتے ہوئے شبہ ظاہر کیا کہ کانگریس حکومت کی جانب سے عوامی حکمرانی کے تحت جو درخواست قبول کی جارہی ہیں اس میں کچھ گڑبڑ ہے۔

انہوں نے کہاکہ عوام کو درخواستوں میں الجھن کا سامنا ہے۔انہوں نے الزام لگایا کہ پچھلی بی آر ایس حکومت نے نئے راشن کارڈس جاری نہیں کیے تھے۔

انہوں نے کہاکہ تلنگانہ کوریاست کا درجہ دلانے کیلئے چلائی گئی تحریک کے دوران گرفتار ہوکر جیل جانے والے افراد کی تمام تفصیلات مانگی جارہی ہیں حالانکہ یہ تفصیلات حکومت کے پاس ہیں۔

کشن ریڈی نے کہا کہ اگر کانگریس حکومت کی نیت صاف ہے تو وہ بغیر کسی درخواست کے تمام اہل مستحقین تک اسکیمات کا فائدہ پہنچائے۔