سلطان پور کے موچی کو راہول گاندھی کا تحفہ

سلطان پور(یوپی): سلطان پور کے موچی رام چھیٹ کو پیر کے دن کانگریس قائد راہول گاندھی کی طرف سے جوتے بنانے کا سامان اور دیگر فٹ ویر آئٹمس موصول ہوئے۔

قائد اپوزیشن راہول گاندھی نے 26 جولائی کو لکھنو سے سلطان پور جاتے ہوئے ودھائک نگر میں اس کی دکان میں کچھ دیر توقف کیا تھا۔ اس کے بعد سے یہ موچی کافی مشہور ہوگیا۔

رام چھیٹ نے آج پی ٹی آئی کو بتایا کہ دوپہر میں مجھے را مٹیرئیل‘ لیدر‘ شو سول وغیرہ موصول ہوا۔ راہول گاندھی نے جو فٹ ویر آئٹمس بھیجے ہیں وہ زنانی و مردانی جوتے بنانے کے کام آتے ہیں۔

قبل ازیں راہول گاندھی نے میرے لئے ایک سیونگ مشین بھیجا تھا۔ راہول گاندھی ہتک عزت کیس میں حاضری کے لئے گزشتہ ماہ سلطان پور ضلع عدالت آئے تھے۔