راہول گاندھی کا اواخر ماہ دورہ برطانیہ‘ کیمبرج یونیورسٹی میں لکچر

نئی دہلی: سابق کانگریس صدر راہول گاندھی جاریہ ماہ کے اواخر میں برطانیہ کا دورہ کریں گے اور کیمبرج یونیورسٹی کے بزنس اسکول میں لکچر بھی دیں گے۔

 برطانیہ کے اپنے دورہ کے بارے میں معلومات فراہم کرتے ہوئے راہول گاندھی نے کہا کہ وہ اپنی مادرِ علمی کا دورہ کرنے کے منتظر ہیں اور جیو پالیٹکس‘ بین الاقوامی تعلقات اور جمہوریت پر چند ذہین ترین افراد کے ساتھ بات چیت کریں گے۔

 کیمبرج جج بزنس اسکول نے اپنی ایک ٹویٹ میں کہا کہ وہ جاریہ ماہ کے اواخر میں راہول گاندھی کا کیمبرج میں دوبارہ خیرمقدم کرنے کا متمنی ہے۔