تلنگانہ کے کئی اضلاع میں بارش کی پیش قیاسی

حیدرآباد: محکمہ موسمیات نے تلنگانہ کے کئی اضلاع میں بارش کی پیش قیاسی کی ہے۔محکمہ موسمیات نے اپنی رپورٹ میں کہا کہ آئندہ 24 گھنٹوں کے دوران ریاست کے بعض اضلاع میں گرج چمک کے ساتھ بارش ہوگی۔

جن اضلاع میں گرج چمک کے ساتھ طوفان کی پیش قیاسی کی گئی ہے ان میں بھدراادری کوتہ گوڑم،کھمم،نلگنڈہ،سوریا پیٹ،میدک،کاماریڈی اورناگر کرنول شامل ہیں۔

محکمہ موسمیات کا کہنا ہے کہ آئندہ 24 گھنٹوں کے دوران ریاست کے چند مقامات پر ہلکی بارش یا گرج چمک کے ساتھ بوندا باندی ہو سکتی ہے۔ گزشتہ 24 گھنٹوں کے دوران بھی ریاست کے ایک دو مقامات پر بارش ریکارڈ کی گئی ہے۔

رپورٹ میں واضح کیا گیا ہے کہ 27 فروری سے 4 مارچ تک تلنگانہ بھر میں موسم خشک رہنے کا امکان ہے۔