تلنگانہ میں بارش کا امکان

حیدرآباد: محکمہ موسمیات نے کہا ہے کہ آئندہ 24گھنٹوں کے دوران وقارآباد،سنگاریڈی،محبوب نگر، ناگرکرنول، ونپرتی، نارائن پیٹ اورجوگولامباگدوال اضلاع میں شدید بارش کاامکان ہے۔محکمہ موسمیات نے اپنی رپورٹ میں کہا کہ آئندہ 24گھنٹوں کے دوران ریاست کے تمام اضلاع کے بعض مقامات پر گرج وچمک کے ساتھ بارش کا امکان ہے۔

جنوب مغرب مانسون تلنگانہ میں سرگرم ہوگیا ہے۔کریم نگراورمیدک میں شدید بارش ہوئی۔ساتھ ہی جگتیال کے چند مقامات اورجئے شنکربھوپال پلی، کاماریڈی،محبوب نگر، مُلگ، ناگرکرنول، نظام آباد، راجناسرسلہ، رنگاریڈی میں گذشتہ 24گھنٹوں کے دوران بارش ہوئی۔اسی عرصہ کے دوران تلنگانہ میں کئی مقامات پر بارش ہوئی۔