افغان اور ہندوستانی شائقین کے درمیان لاتوں اور گھونسوں کی بارش ، ویڈیو وائرل
ہندوستانی اور افغان کرکٹ شائقین کے درمیان تلخ کلامی ہوئی جو بڑھتے بڑھتے ہاتھا پائی تک پہنچ گئی، وہاں موجود دیگر تماشائیوں نے واقعہ کی ویڈیو بھی بنائی جو سوشل میڈیا پر تیزی سے وائرل ہورہی ہے۔
احمد آباد: ورلڈکپ 2023 کا نواں میچ نئی دہلی کے ارون جیٹلی اسٹیڈیم ارون میں ہوا، جہاں ہندوستان اور افغانستان کی ٹیمیں مدمقابل آئیں، جس میں ہندوستان نے باآسانی میچ اپنے نام کرلیا اور افغانستان ٹیم کو 8 وکٹوں سے شکست دے دی۔
اسٹیڈیم میں صورتحال اس وقت بگڑ گئی جب ہندوستانی اور افغان کرکٹ شائقین کے درمیان تلخ کلامی ہوئی جو بڑھتے بڑھتے ہاتھا پائی تک پہنچ گئی، وہاں موجود دیگر تماشائیوں نے واقعہ کی ویڈیو بھی بنائی جو سوشل میڈیا پر تیزی سے وائرل ہورہی ہے۔
ویڈیو میں دیکھا جاسکتا ہے کہ شائقین دورانِ لڑائی ایک دوسرے پر لاتوں اور گھونسوں کو بےدریغ استعمال کررہے ہیں جبکہ ساتھ بیٹھے لوگ جھگڑا ختم کروانے کی کوشش کررہے ہیں۔
قبل ازیں سال 2022 کے ایشیاکپ کے دوران بھی افغان تماشائیوں نے پاکستان سے ہار پر گراؤنڈ کی کرسیاں اکھاڑ پھینکیں تھی جبکہ پاکستانی فینز پر بھی حملے کیے تھے جس سے متعدد پاکستانی فینز شدید زخمی ہوگئے تھے، افغان شائقین کی جانب سے اس حرکت پر سوشل میڈیا صارفین سمیت سابق کرکٹرز نے بھی شدید غصے کا اظہار کیا تھا۔
