شبری مالا میں مسجد نہ جانے ایپا بھکتوں کو راجہ سنگھ کا مشورہ

حیدرآباد: بی جے پی قائد راجہ سنگھ نے ایپا بھکتوں پر زور دیا کہ وہ شبری مالا (کیرالا) کے دورہ کے دوران مسجد کی زیارت سے گریز کریں۔ جمعہ کے روز یہاں میڈیا کے نمائندوں سے بات چیت کرتے ہوئے راجہ سنگھ نے بھکتوں کو نصیحت کی کہ وہ ایپا دیکشا کے اصولوں پر سختی کے ساتھ کار بند رہیں۔

انہوں نے مشورہ دیا کہ وہ مسجد (واوار) کا دورہ نہ کریں مسجد جانے  سے آپ، ناپاک ہوجائیں گے۔ گوشہ محل کے بی جے پی ایم ایل اے ٹی راجہ سنگھ نے الزام عائد کیا کہ ایپا بھکتوں کو مسجد کا دورہ کرنے کی ترغیب دینا سازش کا ایک حصہ ہے۔

 انہوں نے تلنگانہ اور آندھرا پردیش کے وزرائے اعلیٰ پر زؤر دیا کہ وہ حکومت کیرالا کو مکتوب تحریر کرتے ہوئے بھکتوں کے لئے رہائش گاہ کی تعمیر کیلئے 10ایکڑ اراضی مختص کرنے کا مطالبہ کریں۔