تالاب کی بحالی، حیدرا کی ستائش، چہل قدمی کرنے والوں نے ریلی نکالی
ان افراد نے کہا کہ ایک وقت تھا جب اس تالاب کی طرف آنا بھی مشکل تھا، اور شدید بدبو کی وجہ سے یہاں سانس لینا بھی دشوار تھا۔ ان کا کہنا تھا کہ حیدرا کی جانب سے اس تالاب کی ترقی کے بعد اب یہاں کا ماحول خوشگوار اور فرحت بخش ہو گیا ہے۔
حیدرآباد: حیدرآباد کے کوکٹ پلی میں نلہ چیرو تالاب کے قریب چہل قدمی کرنے والوں نے آج صبح ایک ریلی منعقد کی اور حیدرآبادڈیزاسٹررسپانس اینڈایسیٹ پروٹکشن ایجنسی(حیدرا) کے شاندار کام کی ستائش کی۔
ان افراد نے کہا کہ ایک وقت تھا جب اس تالاب کی طرف آنا بھی مشکل تھا، اور شدید بدبو کی وجہ سے یہاں سانس لینا بھی دشوار تھا۔ ان کا کہنا تھا کہ حیدرا کی جانب سے اس تالاب کی ترقی کے بعد اب یہاں کا ماحول خوشگوار اور فرحت بخش ہو گیا ہے۔
انہوں نے کہا کہ حیدرانے دکھایا کہ تالاب کی ترقی اور بحالی کیا ہوتی ہے۔ تالاب کے چاروں طرف واکنگ ٹریک بنانے کے ساتھ ساتھ ایک مضبوط پشتے کی تعمیر کی گئی ہے، جو اب ان کی صحت کو بہتر بنانے میں مدد کر رہی ہے۔
ان افراد نے حکومت سے مطالبہ کیا کہ واکنگ ٹریک کے علاوہ یہاں اوپن جم اور بیڈمنٹن (شٹل) کورٹس بھی قائم کئے جائیں۔ انہوں نے چلڈرن پلے ایریا اور بیٹھنے کے لئے مناسب انتظامات کرنے کی بھی درخواست کی۔
چہل قدمی کرنے والوں نے تالاب کے قریب ریلی نکال کر ریاستی حکومت اور حیدراکا شکریہ ادا کیا۔
