اسرائیل، سعودی تعلقات بحال کرانے سے مشرق کے تنازعات حل ہوں گے:خامنہ اِی
آیت اللّٰہ علی خامنہ اِی کا اپنے بیان میں کہنا تھا کہ کچھ لوگوں کا خیال ہے کہ پڑوسی ممالک کے تعلقات جبراً قائم کروا کر مسائل حل ہوجائیں گے، جو لوگ ایسا سمجھتے ہیں وہ غلط ہیں۔
تہران: ایرانی سپریم لیڈر آیت اللّٰہ علی خامنہ اِی کا کہنا ہے کہ مشرق وسطیٰ کے تنازعات اسرائیل، سعودی تعلقات قائم کروانے کی کوششوں سے حل نہیں ہوں گے۔
غیر ملکی ذرائع ابلاغ کے مطابق آیت اللّٰہ علی خامنہ اِی کا اپنے بیان میں کہنا تھا کہ کچھ لوگوں کا خیال ہے کہ پڑوسی ممالک کے تعلقات جبراً قائم کروا کر مسائل حل ہوجائیں گے، جو لوگ ایسا سمجھتے ہیں وہ غلط ہیں۔
دوسری جانب جنگی جنون میں مبتلا اسرائیلی وزیراعظم نیتن یاہو کا کہنا ہے کہ جنگ ختم کرنے پر اصرار کیا تو رفح پر چڑھائی کردیں گے۔
غیر ملکی ذرائع ابلاغ کے مطابق اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔
اسرائیلی وزیراعظم نیتن یاہو کا امریکی وزیر خارجہ انٹونی بلنکن سے ملاقات کے دوران کہنا تھا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔ اُنہوں نے کہا کہ حماس نے جنگ ختم کرنے پر اصرار کیا تو معاہدہ نہیں ہوگا اور رفح پر چڑھائی کردیں گے۔
