دسہرہ کی تعطیلات کے اختتام کے بعدواپسی۔حیدرآبادمیں ٹریفک جام
گاڑیاں تقریباً رک گئی ہیں، جس کے نتیجہ میں لوگ میٹرو ریل کا سہارا لے رہے ہیں۔ ایل بی نگر میٹرو اسٹیشن پر مسافر شدید ہجوم کی وجہ سے پریشان ہیں اور میٹرو عملہ مسافروں کو قطار میں رہ کر داخل ہونے کی ہدایت دے رہا ہے۔
حیدرآباد: دسہرہ کی تعطیلات کے اختتام کے بعد لوگ دوبارہ حیدرآباد واپس پہنچ رہے ہیں جس کے باعث ایل بی نگر اور آس پاس کے علاقوں میں شدید ٹریفک جام کی صورتحال پیداہوگئی ہے۔
گاڑیاں تقریباً رک گئی ہیں، جس کے نتیجہ میں لوگ میٹرو ریل کا سہارا لے رہے ہیں۔ ایل بی نگر میٹرو اسٹیشن پر مسافر شدید ہجوم کی وجہ سے پریشان ہیں اور میٹرو عملہ مسافروں کو قطار میں رہ کر داخل ہونے کی ہدایت دے رہا ہے۔
دیہاتوں سے آنے والے مسافروں کے علاوہ دفاترجانے والے اور دیگر کاموں کے لئے لوگ بڑی تعداد میں یہاں آرہے ہیں، جس کی وجہ سے کلو میٹر طویل قطاریں بن گئی ہیں۔ مسافروں نے شدید ناراضگی کا اظہار کیا ہے۔ قطار سے پلیٹ فارم تک پہنچنے میں تقریباً دو گھنٹے لگ رہے ہیں۔
دوسری جانب، چوٹ اُپل ہائی وے پر بھی شدید ٹریفک جام ہے۔نلگنڈہ ضلع کے چٹیال میں گاڑیاں رکی ہوئی ہیں۔
دسہرہ کی تعطیلات کے ختم ہونے کے بعد لوگ حیدرآباد واپس آرہے ہیں، جس کی وجہ سے ٹریفک آہستہ آہستہ حرکت کر رہی ہے۔ پتنگی ٹول پلازہ پر بھی گاڑیوں کا دباؤ معمول سے زیادہ ہے۔ پولیس نے ٹریفک کے مسئلہ کو روکنے کے لئے اقدامات کئے ہیں۔
