ریونت ریڈی کی ہاتھ سے ہاتھ جوڑو یاترا جاری

حیدرآباد: حکومت کی ناکامیوں کو اجاگر کرنے، عوامی مسائل کی نشاندہی اورکانگریس کو نچلی سطح سے مستحکم کرنے کے مقصد سے تلنگانہ کانگریس کے سربراہ ریونت ریڈی کی ہاتھ سے ہاتھ جوڑو یاترا زور و شور سے جاری ہے۔

 انہوں نے اے آئی سی سی پروگرام عمل آوری کمیٹی کے چیئرمین مہیشور ریڈی کی قیادت میں نرمل ضلع کے بھینسہ ٹاون میں ہاتھ سے ہاتھ جوڈو یاترا کی۔

 بعد ازاں سی ایل پی لیڈر بھٹی وکرمارکا، پی سی سی کے سابق صدر ایم پی اتم کمار ریڈی نے وویکانند چوراستہ میں منعقدہ کارنر میٹنگ میں شرکت کی۔اس موقع پر انہوں نے ریاستی حکومت پر شدید تنقید کی۔انہوں نے کہاکہ حکومت کی ناکامیوں کی وجہ سے عوام کو مشکل صورتحال کاسامنا کرناپڑرہا ہے۔