جگتیال میں سڑک حادثہ

حیدرآباد: تلنگانہ کے ضلع جگتیال میں پیش آئے سڑک حادثہ میں دو افراد شدید زخمی ہوگئے۔ یہ حادثہ ضلع کے ویلگاٹورمنڈل مستقر میں کل شب اُس وقت پیش آیا جب تیز رفتار آرٹی سی بس کے ڈرائیور نے اس کا توازن کھودیا اور یہ بس آٹو سے ٹکراگئی۔

تفصیلات کے مطابق ویلگاٹورسے جانے والی بس نے جگدیوپیٹ دیہات کے قریب دوگاڑیوں سے متصادم ہوگئی۔اس حادثہ میں آٹوڈرائیورچندرامولی، آٹو میں سوار مسافرطالبہ ارچناشدید زخمی ہوگئے۔ دونوں زخمیوں کو علاج کے لئے جگتیال کے سرکاری اسپتال منتقل کیاگیا۔ان میں آٹوڈرائیور چندرامولی کی حالت تشویشناک بتائی جاتی ہے۔