کینیا میں بھیانک سڑک حادثہ، 48 افراد ہلاک

نیروبی: کینیا کے کیریچو کاؤنٹی کے لوندیانی شہر میں ایک سڑک حادثہ میں کم از کم 48 لوگوں کی موت ہو گئی۔ یہ اطلاع مقامی میڈیا کی رپورٹ میں دی گئی ہے۔

جمعہ کو دی اسٹار اخبار نے علاقائی پولیس کمانڈر ٹام اوڈیرا کے حوالے سے بتایا کہ حادثے کے بعد مجموعی طور پر 48 لاشیں نکالی گئی ہیں۔ اخبار کے مطابق حادثہ ایک مصروف سڑک پر پیش آیا، جب ایک ٹرک بے قابو ہو کر کئی گاڑیوں اور راہگیروں سے ٹکرا گیا۔

مقامی میڈیا رپورٹس کے مطابق حادثے میں 12 سے زائد افراد زخمی ہوئے ہیں۔ اوڈیرا نے کہا کہ امدادی کارروائیاں جاری ہیں اورمہلوکین کی تعداد میں اضافہ ہوسکتا ہے۔