ضلع محبوب نگر میں سڑک حادثہ، 40 زخمی

حیدرآباد: تلنگانہ کے ضلع محبوب نگر میں پیش آئے سڑک حادثہ میں 40افراد زخمی ہوگئے۔یہ حادثہ ضلع کے دیویٹی پلی کے حدود کی قومی شاہراہ پرآج صبح کی اولین ساعتوں میں اُس وقت پیش آیا جب پرائیویٹ ٹراویلس کی بس کے ڈرائیورنے اس کاتوازن کھودیا اور یہ بس الٹ گئی۔اس حادثہ میں بس میں سوار 40 مسافرین زخمی ہوگئے۔

 14 افراد کو علاج کے لیے ضلع اسپتال منتقل کیا گیا۔ حادثہ کے وقت بس میں 54 مسافر سوار تھے۔ یہ بس اے پی کے پُلی ویندلہ سے حیدرآباد جانے کے دوران پیش آیا۔ اطلاع ملنے پر پولیس موقع پر پہنچ گئی جس نے زخمیوں کوعلاج کے لئے اسپتال منتقل کیا اور اس سلسلہ میں جانچ شروع کردی۔