نلگنڈہ میں سڑک حادثہ، 14 گائیں ہلاک

حیدرآباد: تلنگانہ کے ضلع نلگنڈہ میں آج ایک خانگی بس کی گائیوں کو ریوڑ کو  ٹکر  سے 14گائیں ہلاک ہوگئیں۔ یہ حادثہ اڈنکی۔نارکٹ پلی ہائی وے کے قریب پیش آیا۔ 6گائیں زخمی بھی ہوئی ہیں۔ چینائی سے حیدرآباد آنے والی بس نے ریوڑ کو اس وقت ٹکر دی جب یہ گائیں سڑک پار کررہی تھیں۔

مویشیوں کے مالک نے الزام عائد کیا کہ بس ڈرائیور کی لاپرواہی کی وجہ سے یہ حادثہ پیش آیا اور گاڑی انتہائی تیز رفتاری سے جارہی تھی۔ کسان نے کہاکہ وہ خود کو بچانے بازو ہٹ گیا۔

 بس مسافرین کے زخمی ہونے کی اطلاع نہیں ہے۔ کسان کو 7لاکھ روپئے کا نقصان اٹھانا پڑا۔ کسان کی شکایت پر پولیس نے ایک کیس درج کرتے ہوئے تحقیقات شروع کردی ہیں۔