تلنگانہ کے سنگاریڈی میں سڑک حادثہ۔ایک شخص ہلاک اور دیگر 6 شدید زخمی

حیدرآباد: تلنگانہ کے سنگاریڈی میں پیش آئے سڑک حادثہ میں ایک شخص ہلاک اوردیگر 6شدید زخمی ہوگئے۔

یہ حادثہ اتوار کی صبح ضلع کی کاولم پیٹ کی قومی شاہراہ نمبر65پراُس وقت پیش آیا جب ایک ایس یووی گاڑی، آرٹی سی بس سے ٹکراگئی۔

مہلوک کی شناخت 45 سالہ بالیا کے طورپر کی گئی ہے۔زخمیوں میں پراوین، فرید،سیتارام، کلپنا اوردیگر دو شامل ہیں۔

ان کو علاج کے لئے سنگاریڈی کے سرکاری اسپتال منتقل کیاگیا۔ان میں بعض کی حالت تشویشناک بتائی جاتی ہے۔پولیس نے اس سلسلہ میں ایک معاملہ درج کرکے جانچ شروع کردی۔