تلنگانہ کے ضلع سنگاریڈی میں سڑک حادثہ۔تین افراد جاں بحق

حیدرآباد: تلنگانہ کے ضلع سنگاریڈی میں پیش آئے سڑک حادثہ میں تین افراد جاں بحق اوردیگر شدید زخمی ہوگئے۔

یہ حادثہ کل شب ضلع کے اندول منڈل کے ڈاکوراعلاقہ میں اُس وقت پیش آیاجب سڑک پر ٹہرے ہوئے افرادکو نامعلوم گاڑی نے ٹکر دے دی۔

حادثہ اتناشدید تھا کہ تین افراد موقع پر ہی جاں بحق ہوگئے اور بعض دیگر زخمی ہوگئے۔

تمام زخمیوں کو علاج کے لئے قریبی اسپتال منتقل کردیاگیا۔پولیس نے اس سلسلہ میں ایک معاملہ درج کرکے جانچ شروع کردی۔