مرزا رحمت بیگ کے معاملے میں متاثرین کو انصاف دلانے کے لیے کارروائی کریں،آر ایس پروین کمار کا اسدالدین اویسی سے مطالبہ
: بی آر ایس پارٹی کے جنرل سکریٹری آر ایس پروین کمار نے اے آئی ایم آئی ایم کے سربراہ اسدالدین اویسی سے مطالبہ کیا ہے کہ وہ ایم ایل سی مرزا رحمت بیگ سے متعلق معاملے میں مبینہ متاثرین کو انصاف دلانے کے لیے فوری اقدامات کریں۔
حیدرآباد: بی آر ایس پارٹی کے جنرل سکریٹری آر ایس پروین کمار نے اے آئی ایم آئی ایم کے سربراہ اسدالدین اویسی سے مطالبہ کیا ہے کہ وہ ایم ایل سی مرزا رحمت بیگ سے متعلق معاملے میں مبینہ متاثرین کو انصاف دلانے کے لیے فوری اقدامات کریں۔
آر ایس پروین کمار نے کہا کہ اسدالدین اویسی متاثرین کو خود ڈی جی پی یا پولیس کمشنر کے پاس لے جائیں اور ان کے پاس موجود شواہد پولیس حکام کے حوالے کریں۔
انہوں نے مطالبہ کیا کہ دستیاب شواہد کی بنیاد پر مرزا رحمت بیگ کے خلاف مقدمہ درج کیا جائے اور متاثرین کو انصاف فراہم کرنے کے لیے قانونی کارروائی کو یقینی بنایا جائے۔
بی آر ایس لیڈر نے زور دیا کہ معاملے کی شفاف تحقیقات ہونی چاہیے اور اگر الزامات درست ثابت ہوتے ہیں تو قانون کے مطابق کارروائی کی جانی چاہیے۔
آر ایس پروین کمار کے ان مطالبات کے بعد یہ معاملہ سیاسی حلقوں میں بھی موضوع بحث بن گیا ہے۔
