روپیہ، ڈالر کے مقابلے مزید کمزور

ممبئی: امریکی فیڈرل ریزرو کی جانب سے شرح سود میں ایک بار پھر اضافے کے امکان پر دنیا کی اہم کرنسیوں کے مقابلے میں ڈالر مزید مضبوط ہوا ہے اور دو ہفتے کی بلند ترین سطح پر پہنچنے کے دباؤ کے تحت آج انٹربینکنگ کرنسی مارکیٹ میں روپیہ 60 پیسے کی کمی کے ساتھ 83 روپے فی ڈالر کی ریکارڈ کم ترین سطح پر آ گیا۔

گزشتہ کاروباری دن روپیہ 10 پیسے کم ہوکر 82.40 فی ڈالر پر رہا تھا۔

ابتدائی کاروبار میں ڈالر کے مقابلے میں روپیہ آٹھ پیسے کی بہتری کے ساتھ 82.32 پر کھلا اور فروخت کی حمایت کی وجہ سے دن کی بلند ترین سطح پر بھی قائم رہا۔

تاہم خریداری کے دباؤ میں یہ 83.01 روپے فی ڈالر کی کم ترین سطح تک آ گیا اور آخر میں گزشتہ روز کے 82.40 روپے فی ڈالر کے مقابلے میں 60 پیسے کی بڑی گراوٹ سے 83 روپے فی ڈالر کی ریکارڈ کم ترین سطح پر آگیا۔