ساجد معراج کو ڈاکٹریٹ کی ڈگری

حیدرآباد: عثمانیہ یونیورسٹی کے ایڈیشنل کنٹرولر ایگزامنیشنس، کانفیڈنشیل کے پریس نوٹ کے مطابق، جناب ساجد معراج، ریسرچ اسکالر، شعبۂ قانون جامعہ عثمانیہ کو ان کے مقالے کی کامیاب تکمیل پر ڈاکٹریٹ کی ڈگری کا مستحق قرار دیا گیا ہے۔ ان کے مقالے کا عنوان "عدالتی تشریح کے ذریعے بھارتی آئین کا ارتقا: یک ناقدانہ مطالعہ” تھا۔

انہوں نے یہ مقالہ پروفیسر ڈاکٹر جی ونود کمار کی نگرانی میں مکمل کیا۔ ڈاکٹر ساجد معراج ضلع نرمل سے قانون میں ڈاکٹریٹ کی ڈگری حاصل کرنے والے پہلے اسکالر ہیں۔

ڈاکٹر ساجد معراج فی الحال منڈل پریشد پرائمری اردو میڈیم اسکول، گاجل پیٹ، نرمل میں بطور سیکنڈری گریڈ ٹیچر (ایس جی ٹی) خدمات انجام دے رہے ہیں۔ انہیں والدین، ساتھی اسکالروں، اساتذہ اور صحافیوں کی جانب سے مبارکباد پیش کی گئی ہے۔