سارن: سسرال آنے والے شخص کو بدمعاشوں نے حملہ کر کے زخمی کر دیا

چھپرا: بہار میں سارن ضلع کے مفصل تھانہ علاقے میں اپنے سسرال آئے ایک شخص کو بدمعاش نے چاقو مار کر زخمی کر دیا ہے۔

پولیس ذرائع نے بدھ کے روز یہاں بتایا کہ مشرقی چمپارن ضلع کے سوگولی تھانہ علاقہ کے کرموا گاؤں کے رہنے والے شیام بابو پاسوان ولد بیربل پاسوان کچھ دنوں کے لیے باجیت پور نینی گاؤں میں اپنے سسرال آیا تھا۔

ذرائع نے بتایا کہ منگل کی رات دیر گئے گاؤں کے ایک بدمعاش نے اسے چاقو مار کر زخمی کر دیا۔

گھر والے اسے علاج کے لیے صدر اسپتال چھپرہ لے گئے۔ ابتدائی طبی امداد کے بعد صدر اسپتال چھپرا کے ڈاکٹر نے اسے بہتر علاج کے لیے پٹنہ بھیج دیا ہے، پولیس نے اس معاملے میں ایف آئی آر درج کر لی ہے اور ملزم کی گرفتاری کے لیے چھاپے مارے جا رہے ہیں۔