سعودی شہری عبدالسلام الشراری بہادری کا مظاہرہ کرتے ہوئے جلتی بس میں پھنسی 6 خواتین ٹیچرز کی جان بچا لی۔

ریاض : سعودی شہری نے بہادری کا مظاہرہ کرتے ہوئے جلتی بس میں پھنسی 6 خواتین ٹیچرز کو بحفاظت نکال کر ان کی جان بچا لی۔یہ واقعہ سعودی عرب کے طبرجل شاہراہ پر پیش آیا، جہاں ایک منی بس میں حادثے کے بعد آگ لگ گئی اور چند سیکنڈز میں اس میں سے شعلے بھڑکنے لگے۔ اس بس میں 6 خواتین ٹیچرز سوار تھیں۔

عبدالسلام الشراری نے بتایا کہ وہ مذکورہ شاہراہ پر سفر کر رہا تھا کہ اچانک اس کی گاڑی سامنے والی بس ٹریلر سے ٹکرا گئی، جس کے نتیجے میں بس کے اگلے حصہ میں فوری آگ لگ گئی۔

عبدالسلام کے مطابق اس نے موقع سے بھاگ جانے کے بجائے بس کے اندر خوف سے چیخ وپکار کرنے والی خواتین کو بچانے کا فیصلہ کیا اور فوری متاثرہ بس کا عقبی شیشہ توڑ کر ٹیچرز کو باہر نکالنے میں مدد کی۔

نوجوان کا کہنا تھا کہ اسی دوران دیگر لوگ بھی وہاں آ گئے اور ہم نے تمام ٹیچرز کو بحفاظت متاثرہ بس سے باہر نکالا، اس سے قبل کہ پوری بس شعلوں میں لپٹ میں آجاتی