سعودی وزیر خارجہ فیصل بن فرحان السعود کا دورہ ایران

تہران: سعودی عرب کے وزیر خارجہ فیصل بن فرحان ال سعود مہینوں پہلے منقطع دوطرفہ تعلقات دوبارہ شروع ہونے کے بعد ایرانی دارالحکومت تہران پہنچ گئے۔

تسنیم خبررساں ادارے نے رپورٹ دی ہے کہ سعودی عرب اور ایران کے درمیان دوطرفہ تعلقات کی بحالی کے بعد ال سعود کا یہ پہلا دورہ ایران ہے۔ سعودی وزیر خارجہ کا استقبال ان کے ایرانی ہم منصب حسین امیر عبداللہیان نے کیا۔

رپورٹ کے مطابق ال سعود جو کہ سعودی ولی عہد شہزادہ محمد بن سلمان کے ساتھ فرانس کے دورے پر ہیں، پیرس سے براہ راست تہران پہنچے۔ میڈیا رپورٹس میں کہا گیا ہے کہ سعودی وزیر خارجہ کے دورے کے دوران سعودی عرب تہران میں اپنا سفارت خانہ دوبارہ کھول سکتا ہے۔

واضح رہے کہ ایران اور سعودی عرب نے اپریل میں فوری طور پر سفارتی تعلقات بحال کرنے کا اعلان کیا تھا۔