خوفناک ویڈیو: بائیک فلائی اوور سے ٹکراگئی۔ دونوجوان ہلاک

حیدرآباد: آندھراپردیش کے وشاکھاپٹنم میں پیش آئے سڑک حادثہ میں دونوجوان ہلاک ہوگئے جبکہ ایک شدید زخمی ہوگیا۔

یہ حادثہ کل شب اُس وقت پیش آیا جب وشاکھاپٹنم کے این اے ڈی فلائی اوور پر انتہائی تیزرفتاری سے بائیک چلانے کے دوران بائیک کا توازن کھودینے سے یہ بائیک فلائی اوور کی دیوار سے ٹکراگئی۔

حادثہ اتنا شدید تھا کہ دونوجوان فلائی اوور سے نیچے گرپڑے۔حادثہ کا منظروہاں لگے سی سی ٹی وی کیمرہ میں قید ہوگیا۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اور زخمی نوجوان کو علاج کے لئے اسپتال منتقل کیا۔