حیدرآباد: تلنگانہ کے وزیراعلی کے چندرشیکھرراو کا دوسرے دن پڑوسی ریاست مہاراشٹرمیں دورہ جاری ہے۔
وہ آج صبح شولاپور سے پنڈاری پور پہنچے جہاں انہوں نے وٹھل رکمنی مندر میں درشن کئے۔
اس موقع پر وزیراعلیٰ نے ملک کے کسانوں کی بہتری اور بہبود کیلئے پرارتھنا کی۔
ان کے ساتھ بی آر ایس ایم پی ناماگیشور راؤ، راجیہ سبھا کے ارکان جے سنتوش کمار، ڈی دامودر راؤ، تلنگانہ کے کئی وزراء،ارکان اسمبلی، ارکان کونسل بھی تھے۔
مندر میں آمد پر پجاریوں اور منتظمین نے وزیراعلی کا پرتپاک استقبال کیا۔
خصوصی پوجا کے بعد وزیر اعلیٰ نے قریبی گاؤں میں پارٹی کارکنوں کے ساتھ اجلاس منعقد کیاجس میں مقامی لیڈران نے بی آر ایس پارٹی میں شمولیت اختیار کی۔
وزیراعلی کے دورہ کے پیش نظر مہاراشٹر میں بھارت راشٹرا سمیتی کے کارکن بڑی تعداد میں پنڈاری پور پہنچے۔
ہمیں فالو کریں
