ابتدائی کاروبار میں سینسیکس 200 پوائنٹس نیچے آیا

ممبئی: نجی بینکوں اور آئی ٹی کمپنیوں کے شیئرز میں فروخت کے دباؤ کے باعث جمعہ کے روز ابتدائی کاروبار میں گھریلو شیئر بازاروں کے بڑے اشاریے منفی دائرے میں رہے۔

بی ایس ای کا 30 شیئرز پر مشتمل حساس اشاریہ سینسیکس 183.42 پوائنٹس کی کمی کے ساتھ 85,225.28 پوائنٹس پر کھلا۔ خبر لکھے جانے تک یہ 202.15 پوائنٹس یعنی 0.24 فیصد گر کر 85,206.55 پوائنٹس پر آ گیا۔

نیشنل اسٹاک ایکسچینج کا نفٹی-50 اشاریہ بھی 20.85 پوائنٹس کی گراوٹ کے ساتھ 26,121.25 پوائنٹس پر کھلا اور خبر لکھے جانے تک 52.10 پوائنٹس یعنی 0.20 فیصد کی کمی کے ساتھ 26,090 پوائنٹس پر ٹریڈ کر رہا تھا۔

بڑی کمپنیوں کے برعکس، درمیانی اور چھوٹی کمپنیوں کے اشاریوں میں تیزی دیکھنے کو مل رہی ہے۔

کیمیکل، میٹل، صارفین کے پائیدار مصنوعات اور رئیلٹی سیکٹر میں خریداری کا رجحان ہے، جبکہ آئی ٹی، ایف ایم سی جی، ہیلتھ اور فارما کمپنیوں کے شیئرز اس وقت دباؤ میں ہیں۔

سینسیکس میں گراوٹ کی بڑی وجوہات میں ایچ ڈی ایف سی بینک، آئی سی آئی سی آئی بینک، بجاج فنانس، ایئرٹیل اور سن فارما کے شیئرز شامل ہیں، جبکہ بی ای ایل، انفوسس اور ٹائٹن کے شیئرز میں تیزی دیکھی جا رہی ہے۔