ورنگل میں بی آر ایس کو بڑا جھٹکہ

حیدرآباد: ورنگل میں بی آر ایس کو آج اُس وقت زبردست جھٹکہ لگا جب پارٹی کے چند کارپوریٹرس نے کانگریس میں شامل ہونے کا فیصلہ کیا۔

گریٹر ورنگل مونسپل کارپوریشن کے بی آر ایس سے تعلق رکھنے والے مئیر کے خلاف تحریک عدم اعتماد پیش کرنے کی کوششوں میں تیزی لائی جارہی ہے۔

آج چیف منسٹر اور صدر پردیش کانگریس کمیٹی اے ریونت ریڈی کی موجودگی میں بی آر ایس کے کارپوریٹرس گاندھی بھون پہنچے اور کانگریس میں شمولیت اختیارکرلی۔

اطلاعات کے مطابق رکن اسمبلی ورنگل ویسٹ نائینی راجندر ریڈی کی قیادت میں کانگریس کا آپریشن آکرش جاری ہے۔ ان کے علاوہ ریاستی وزیر کونڈا سریکھا اور ان کے شوہر کونڈا مرلی بھی کئی بی آر ایس قائدین سے رابطہ قائم کئے ہوئے ہیں۔

گریٹر ورنگل مونسپل کارپوریشن میں جملہ اراکین بلدیہ کی تعداد 66ہے۔ گذشتہ بلدی انتخابات میں کانگریس کو صرف چارڈیویژنس پر کامیابی حاصل ہوئی تھی۔

اب نصف سے زیادہ بی آر ایس اراکین بلدیہ کانگریس میں شامل ہونے کیلئے تیار ہیں اس سلسلہ میں مئیر گنڈو سدھا رانی کے خلاف تحریک عدم اعتماد پیش کرنے کی تیاریاں جاری ہیں۔